தினம் என் பயணங்கள்

Posted by G J Thamilselvi On Wednesday, 16 September 2015 0 comments
ஆச்சர்யப்படத்தக விடயங்களை உள்ளடக்கியது வாழ்க்கை, வாழ்ந்துக்கொண்டிருக்கிறோமா? வாழ்வை இழந்துக்கொண்டிருக்கிறோமா என்பது அவரவர் மனதின் புரிதல் படி.

அப்பேருந்து நிலைய முன் பக்கத்தில் சாலையோரமாக நின்றுக்கொண்டிருந்தேன். மகளுக்கான காத்திருப்பு அது. காத்திருப்பே சுகம் தான் என்று சொல்லத் தோன்றும் அளவிற்கு நெருங்கிய சிநேகிதி அவள் எனக்கு.

ஒன்றையும் மறைக்காமல் ஒரு மகளால் தன் தாயிடம் பகிர்ந்துக்கொள்ள முடியுமா என்று அநேகந்தரம் யோசித்து இருக்கிறேன்.
மேலும் வாசிக்க

ஹார்ட் பீட் அறக்கட்டளையின் வாராந்திரக் கூடுகை 13.09.2015

Posted by G J Thamilselvi On Sunday, 13 September 2015 0 comments
செங்கம் நகரத்தில் இயங்கும் ஹார்ட் பீட் அறக்கட்டளையின் கிளை அலுவலகத்தில் இன்று (13.09.2015) வாராந்திர கூடுகை நடைப்பெற்றது. அதில்  ஹார்ட் பீட் அறக்கட்டளையின் செயல்வீரர் குழு உறுப்பினர்கள் செந்தில்குமார், மார்ஷல், நந்தக்குமார், சிவக்குமார். ஜி, ஜான், ஷமீர், அருள்மொழி, ஷம்ஷாத், சிவசக்தி ஆகியோர் கலந்துக்கொண்டனர்.

செயல் வீரர் குழு தலைமை வீரர். செல்வன் தயாநிதி அவர்கள் விடியல் குறித்து சிறப்பு உரையாற்றினார்.

விடியல் என்ற தலைப்பில் முட்டையில் ஓவியம் வரைந்து தங்கள் கருத்துக்களை சக செயல்வீரர் குழு உறுப்பினர்களோடு பகிர்ந்துக்கொண்டனர்.

கற்கும் பாரதம் திட்டத்தின் உதவியுடன், எழுத படிக்கத் தெரியாதவர்களுக்கு கல்வி கற்பிக்க செயல் திட்டம் உறுதி செய்யப்பட்டது.

நன்றியுரையுடன் இன்றைய வாராந்திரக் கூட்டம் இனிதே நிறைவடைந்தது.


மேலும் வாசிக்க

இலக்கை நோக்கிய பயணம்!

Posted by G J Thamilselvi On Tuesday, 8 September 2015 0 comments
நாள் (06.09.2015)



ஒரு வழியாய் அலுவலகங்களிலேயே வாழ்க்கையும் நிகழ்ந்துக்கொண்டிருக்கிறது. யக்கோவ் குப்பேத்தாக்கோவ் (அக்கா குப்பை எடுத்து வாங்க அக்கா)  என்று கூவும் பெண்மணியின் குரலோடு விடிந்தது இன்றைய இரவும்.

ஒருவழியாய் சீரான பாதையை நோக்கி பயணகிக்கிறேன் என்று எண்ணுகிறேன்.

இது இலக்கை நோக்கிய பயணம். மாற்றுத்திறனாளிகளுக்கான தொழில் நிறுவனத்தை உருவாக்கும் முயற்சி! எவ்வளவு யோசித்தும் அவர்களுக்கு ஏற்ற ஏதுவான தொழில் எதுவும் எனக்குத் தோன்றவில்லை. ஆனாலும்  என் முயற்சி நிற்கப் போவதில்லை. அது தொடரும்.

புத்தக விற்பனையில் இறங்கியிருக்கிறோம்.  அநேகர் இந்த தொழில் வேண்டாம் என்று அச்சுறுத்தியபோதும், சரி இதையும்தான் செய்வோமே என்றொரு துணிச்சல். குச்சி ஐசே தயாரித்தாகிவிட்டது. இதையும் செய்துப் பார்ப்போம் என்று, இன்றைய  நாள் பொழுது முழுவதும் ஹார்ட்பீட் அறக்கட்டளையின் செங்கம் கிளை அலுவலகத்திலேயே கழிந்தது.

புத்தகம் அடுக்க ஒத்தாசை செய்த தம்பி குழந்தைகளை மெச்சிக்கொள்ளத் தோன்றியது.

வண்ணத்துப் பூச்சி வண்ணத்துப்பூச்சி
சட்ட தச்சது யாரு
உனக்கு சட்ட தச்சது யாரு

வண்ண வண்ணம்மா வண்ண வண்ணம்மா
பொட்டு வச்சது யாரு
உனக்கு பொட்டு வச்சது யாரு

மெதுவாய் ஆரம்பித்து உச்சஸ்தாயியில் குழந்தைகள் இயல்பாய்  பாடியது மகிழ்ச்சியாய் இருந்தது. ஜன்னலரோலத்தில் ஆரஞ்சு வண்ண பட்டாம் பூச்சி பறந்ததில் உதயமான பாட்டை எண்ணி மகிழ்ந்துக்கொண்டேன்.

நானும் குழந்தையாகவே இருந்திருக்கலாம் எந்த கவலையும் இல்லாமல். சாத்தியப்படாதவைகளுக்கே மனம் ஏங்குகிறது. 

இவ்வலுவலகம் உருவாக பண்புடன் குழுமத்தின் பங்கு பெருமளவில் இருப்பதால் இந்த பதிவின் மூலம் பண்புடன் குழுமத்திற்கு என் மனம் மார்ந்த நன்றியை இத்தருணத்தில் தெரிவித்துக்கொள்கிறேன். ஹார்ட் பீட் அறக்கட்டளையின் முன்னேற்றத்தில் கவனமாய் இருக்கும் எழுத்தாளர் உயர்திரு. வையவன் அவர்களையும் இந்நேரத்தில் நினைவுக்கூறுகிறேன்.













துவண்ட போது ஆறுதலாய் இருந்த நண்பர்களையும் இவ்விடத்தில் நினைவு கூறாமல் இருக்க இயலவில்லை.

ஹார்ட்பீட் சேவை நிறுவனம் மூவகை செயல்பாடுகளை  கையில் எடுத்திருக்கிறது. புத்தக விற்பனை மற்றும் பதிப்பு,  தையல்,  மற்றும் கணினி கல்வி, மாற்றுத்திறனாளிகளுக்கான கல்வி.

தையலில் முதல் கட்டமாக பெண்கள் தலையில் அணியும் பேண்ட் தாயரிக்கும் முயற்சியில் இருக்கிறோம். 

இன்றைய பொழுது இனிதே! இவ்வலுவலகத்தில் கடந்தது. 
மேலும் வாசிக்க

முனுசாமி என்கிற சின்னத்தம்பி!

Posted by G J Thamilselvi On Thursday, 3 September 2015 0 comments

யக்கோவ் குப்பேத்தாக்கோவ் என்கிற கூவலில் விடிந்தது 02.09.2015 ற்கான விடியல். குப்பை சேகரிக்கும் மூதாட்டியின் குரல். முன்பொருமுறை அவளோடு பேச்சுக்கொடுத்திருக்கிறேன்.

எத்தனை தெருவுக்கு போவீங்க?

மேலப்பாளையம், துக்காப்பேட்டை, சகாயமாதாதெரு அப்படியே திரும்பவும் குப்பை பிரிக்கிறாங்களே அங்க போய்டுவோம் என்றவள் தலையில் சாயம் போன வெளுத்தத் துண்டைக் கட்டியிருந்தாள்.

டீக்குடிக்க காசு குடேன் என்று உடன் இருந்தவள் கேட்க, த்த சும்மா கெட அதே எப்படி இருக்கு அதுக்கிட்ட போய் காசு கேட்டுக்கினு

உனக்கின்னாமே தெரியும் அது தாலுக்காபீஸ்ல வேல செய்யுது இல்ல மேடம் என்று இரண்டாமள் இழுக்க! சிரித்துக்கொண்டேன்.

வட்டாட்சியர் அலுவலகத்தில் வேலை செய்வது மாபெரும் மரியாதை தான், அம்மரியாதைக்குப் பின் ஏச்சும் இருக்கும்.

இந்த வரட்டு மரியாதையை ஒரு போதும் விரும்பியதில்லை நான். அவளைப் பார்த்துக்கொண்டே இருந்தேன்.  தெருவில் இருக்கும் குப்பையை அள்ளுவதும் சாக்கடையைத் தூர் வாருவதும் மிகவும் கஷ்டமான வேலை. கால்வாய் ஓரம் நிற்கும் போதே முச்சை உள்ளடக்கி சுவாசத்திற்கு தடைப் போட வேண்டியதாய் இருக்கிறது.

அன்று அரசாங்க ஊழியர்கள் வேலை நிறுத்தம் செய்தார்கள். நான் அலுவலகத்திற்கு சென்ற போது, வட்டாட்சியரின் ஜீப் வாயிலை அடைத்தபடி நின்றிருந்தது. வட்டாட்சியர் தபேதாரிடம் என்ன அண்ணா இன்னைக்கு ஆபீஸ் இருக்கா எனக்கு என்றேன்.

நான் அரசாங்க ஊழியர் இல்லை.

அரசாங்கத்திடமிருந்து ஒரு நிறுவனம் டெண்டர் எடுத்திருக்க அந்நிறுவனத்திடம் நான் பணியாற்றிக்கொண்டிருக்கிறேன்.

எல்லாருக்கும் ஆப்சென்ட் போட்டுட்டாங்க நீ வேலை பாத்து என்ன பண்ணப்போற என்றார் அவர்.

இந்த நாளை என்ன செய்வது?

ஒரு யு டேர்ன் அடித்து,  ஹார்ட் பீட் நிறுவனத்தின் அலுவலகத்திற்கு வந்தேன். சட்டென்று ஒரு யோசனை,  சொர்ப்பனந்தல் அலுவலகத்திற்கு சென்றால் என்ன? கொஞ்சம் அல்ல அதிகான துணிச்சலோடே! என்இளையத் தம்பிக்கு தொலைப்பேசி செய்தேன்.

நான் சொர்ப்பனந்தல் போறேன் நீ வரியா இல்லையா?

அவன் வருகிறேன் காத்திரு என்றான்.

அலுவலக வாசலிலேயே காத்திருந்த போது தான் அந்த நபரை சந்தித்தேன்.

மிக நெருக்கமானவர் அல்ல.

நான் சகாயமாதா தெருவில் குடியிருந்த போது மூன்று வீடுகள் தள்ளி அவர்கள் வீடு.

மின் வாரியத் துறையில் பணியாற்றி ரிட்டையர்ட் ஆனவர்.

அவர்கள் வெளியிட்ட புத்தகங்கள் பற்றி ஒன்றிரண்டு முறை பேசியிருக்கிறோம். போகும் போதும வரும் போதும் புன்னகைப்பதோடு சரி.

புன்னகை வார்த்தைகளின் பயன்பாடே இல்லாமல் ஒரு நெருக்கத்தையும் நம்பிக்கையையும் ஏற்படுத்தி விடுகிறது.

அருகில் வந்தவரிடம்

எப்படி இருக்கீங்க என்றேன்

எங்கம்மா நல்லா இருக்குறது, அந்த பையன் இப்படி பண்ணிட்டானேம்மா,

ம் நானும் கேள்விப் பட்டேன் பெயில் எடுத்துட்டிங்களா?

ஒரே பையன் ஜெயிலுக்கு போகக் கூடாதுன்னு ஜட்ஜ் முன்னாடி பொய் சொன்னேன்.
அவங்க பொண்ணுக்கு பத்து பவுன் போட்டாங்க 4 லட்சம் ரொக்கமா கொடுத்தாங்க பாத்திரம் பண்டம் எதுவும் தரல, கல்யாண மண்டபத்துல ஐஸ்கிரீம் பார்லர் வைக்கனும்ன்னு சொன்னாங்க மெனக்கெட்டு போய் திருவண்ணாமலையில இருந்து எடுத்துட்டு வந்து வச்சேன்,

இப்ப எல்லாம் நஷ்டம், பொண்ணு வீட்ல கொடுத்ததை எல்லாம் கொடுத்துட்டோம் அவரின் குரல் கம்மியது.

அவன் பேர்ல என் வீட்டை எழுதி வச்சுட்டேன். ஜட்ஜ் முன்னாடி சொல்றான், எங்கப்பா அம்மா கண்டிப்பு அதான் மண்டபத்துல இருந்து போய்ட்டேன்.

மேலும் வாசிக்க

ஆணையிட ஏன் துணிந்தாய்!

Posted by G J Thamilselvi On Tuesday, 1 September 2015 0 comments

நிலவனே நின் வரவில்
நிறை மதியாய் மலர்ந்தேன் நான்
மேலும் வாசிக்க

பூரண சுதந்திரம் யாருக்கு ?

Posted by G J Thamilselvi On Tuesday, 18 August 2015 2 comments

cover-image-indian-flag.jpg

சிஜெயபாரதன்கனடா


பாரதம் பெற்றது பாருக்குள்ளே
ஓரளவு சுதந்திரம் !
பூரண விடுதலை வேண்டிப்
போராடி னோம் !
பூமி இரண்டாய்ப் பிளந்தது !
பூகம்பம் நிற்காமல்
மும்மூர்த்தி  யானது
பங்களா தேசமாய் !
கட்டுப்பா டுள்ள சுதந்திரம்
கண்ணிய மானிடருக்கு !
கட்டவிழ்த் தோடும் சுதந்திரம்,
காட்டு மிராண்டி களுக்கு !
ராவணன் சீதையைத் தூக்கி
ரதத்தில் போவான் !
பூரண சுதந்திரம் அசுரப்
போர்க்களம் !
மேலும் வாசிக்க

ஜப்பானில் போட்ட முதல் அணுகுண்டுகள்

Posted by G J Thamilselvi On Monday, 10 August 2015 0 comments

ஜப்பானில் போட்ட முதல் அணுகுண்டுகள்

[ஆகஸ்டு 6, 1945]

சிஜெயபாரதன் B.E.(Hons) P.Eng (Nuclear) கனடா

அணு ஆயுதங்கள் உண்டாக்கிய முதல் பிரளயம்!
‘உலகத்தைத் தூள் தூளாகத் தகர்க்கும் மரண உருவெடுத்து விட்டேன், நான்! என்று கிருஷ்ண பரமாத்மா பகவத் கீதையில் அர்ஜூனனுக்கு அருளிய ஓர் வேத மொழியை, நியூ மெக்ஸிகோ சோதனைத் தளமான டிரினிடியில் [Trinity], 1945 ஜூலை 16 நாள் சரித்திரப் புகழ் பெற்ற முதல் ஆய்வு அணுகுண்டு, பயங்கர வெடிப்பை உண்டாக்கிய போது, ராபர்ட் ஓப்பன்ஹைமர் [Robert Oppenheimer] கூறினார். அவர்தான் அணுகுண்டின் பிதா! யுத்த சமயத்தில் பல நாட்டு விஞ்ஞான நிபுணர்களைத் தன்கீழ் இணைத்து, ஆணை யிட்டு, ஆட்டிப் படைத்து, முதன் முதல் அணு ஆயுதங்களை ஆக்கிய தலைமை அதிபதி! ஒப்பற்ற விஞ்ஞான வல்லுநர், ஓப்பன்ஹைமர்! அணுகுண்டு ஓர் புதிய மரண யந்திரம்! வெடிக் கோளம்! விஷக் கோளம்! கதிர்க் கோளம்! கனல் கோளம்! ஒளிக் கோளம்! அழிவுக் கோளம்! அவற்றின் அசுரப் பிடியில் நசுங்கி மடிவது பாமர மக்கள்! அணுகுண்டு வெடிப்பின் விளைவு, முடிவற்ற முடிவான மரணக் கோலம்!’
மேலும் வாசிக்க

இசையாக வந்தவனே!

Posted by G J Thamilselvi On Friday, 7 August 2015 2 comments

மீள் இசை போல் வந்துவிட்டாய் என் வாழ்வில்
ஒரு  சகாப்தத்தின் யுவராணியாய் உணர்கிறேன்
மேலும் வாசிக்க

தோழமை நீயடா!

Posted by G J Thamilselvi On 1 comments

நாய்க்குட்டி ஒன்றின் தோழனைப்போல்
உன் நெருக்கத்தைத்
எப்போது தரப்போகிறாய்?
மேலும் வாசிக்க
     ஆண்கள் பெண்களை அடக்கி வைப்பவர்கள் என்றெண்ணியிருந்தேன். நான் படித்ததிலேயே இரண்டாவது கவிதைத் தொகுதி நிழலில் படரும் இருள். கவிதையை புத்தகமாக கையில் தாங்கிப் படிக்காமல், இணையத்தில் அதிக கவிதைகள் படித்துண்டு. புத்தகமாய் படிப்பது தனி கிளர்ச்சியை தருகிறது. முதல் முறை படித்து பின் இரண்டாம் முறையும் படிக்கத் தோன்றிய புத்தகம் நிழலிலே படரும் இருள்.

     ஆண்கள் என்றால் பெண்களை அடக்கி ஆள்பவர்கள் என்றெண்ணியிருந்தேன் என்ற வரிக்கு வருகிறேன் மீண்டும். தன் மனைவியைத் தன் சகியாக சிநேகித்த முதல் ஆடவன் ஒருவனை எனக்குத் தெரியும். அத்தகையவர் எவரேனும் இவ்வுலகில் இருக்கிறார்களா என்றெண்ணி வியந்திருக்கிறேன். முதல் முறை நிழலிலே படரும் இருள் கவிதைத் தொகுப்பினைப் படித்த போது அந்த பக்கம் என் கண்களில் பட வில்லை. அம் முழு வெள்ளைத் தாளில் அழகாய் அச்சுக் கோர்க்கப்பட்டிருந்த அவ்வாக்கியம். 

மனைவியும் தோழியுமான என் உள்ளத்தரசிக்கு…

கவிஞர். நிஷாமன்சூர் அவர்கள் மீது வைத்திருந்த மரியாதையை, நட்புணர்வை மேலும் அதிகமாக்கியது.

மனைவிகள் கணவர்களிடம் எதிர்பார்ப்பது தோழமையைத்தான். அத்தகைய ஆண்கள் இருக்கிறார்கள் என்பதைக் கண் கூடாக கண்டுக்கொண்டிருப்பதில் ஆத்ம திருப்தி.

கவிதைகள் தனக்கான வடிவத்தை, தனக்கான உணர்வை தானே வடிவமைத்துக்கொள்ளும். ஒவ்வொரு கவிதையும் தன் தனித்துவத்துடன் 

பிறந்த குழந்தை போல!
நீ இரைத்துவிட்ட
எனக்கான உணவைப் பொறுக்க
நாடெங்கிலும் பறந்துக்கொண்டிருக்கும்
எளிய பறவை நான்

என் கால்களுக்கடியில்
பறக்கிறது காலம் – இக்கவிதையின் வரிகளில் லயித்துக்கொண்டிருந்து பின் அடுத்தடுத்த பக்கங்களை படிக்க ஒரு சாதாரண மனித உயிரில் நிகழ்ந்துக்கொண்டிருக்கும், இனிமேலும் ஏதோ ஓர் உயிருக்கு நிகழப்போகும் அனுபங்களில் ஊர்ந்துக்கொண்டிருந்தது அக்கவிதைகள்.

பொதுவாகவே நவீன கவிதைகள் கவிதைகள் அல்லவென்பது இலக்கிய இலக்கணவாதிகளின் வாதம்.

இலக்கணத்திற்கு அப்பாற்பட்டு உயரோட்டத்தைத் தாங்கி நிற்கும் சில கவிதைகள் அவ்வழி நின்று என் உள்ளத்தை தொட்டவை அநேகமாக இருப்பிப்பினும்! உண்மைத்தாங்கி அனுபத்தைப் பேசிய அக்கவிதைகளின் வரிகளை மீண்டும் அசைப்போடுகிறேன்.

பரிசைத் தவறவிட்ட குழந்தை
தன் தோழி பரிசுபெறும் நிகழ்வை
உற்சாகத்துடன் கொண்டாட
தேம்பித் தேம்பி அழுதுக்கொண்டிருந்தது
இரவு பகலாய்ப் பயிற்சி கொடுத்திருந்த
அம்மாக் குழந்தை
000
உறையில் இருக்கும் வாளின் சோகம்
தனிமை அல்ல!
000
வறுமை நெரித்த பால்யம்
நெரிசல் பஸ்பயணத்தில்
தோழி வற்புறுத்தி வாங்கிய
புத்தகங்களுடன்
டிபன்பாக்ஸூம் இருக்க!

மதிய உணவுப் பழைய சோறு
ஒழுகி வடிந்து
புத்தகங்களையும் அவள் கைகளையும்
நனைத்தது கண்டு பதறி!

அவமானத்தில்!
சுய இரக்கத்தில்!
வெறுப்பில்!

முதுகில் மொய்க்கும் கண்களை
நேருக்குநேர் சந்திக்கக் கூசி!

பாதி வழியில் இறங்கி
சாலையோரம் அழுது ஓய்ந்து!

நடந்தே பள்ளிக்குச் சென்ற
ப்ளஸ்டூ அனுபவம்
உங்களுக்கும் உண்டுமா?
000

காடிழந்த யானைகளின் துயரம் – சிநேக ஜீவனின் வலியுணர்ந்து எழுதப்பட்டிருந்தது பாராட்டுதலுக்குரியது. அக்கவிதையின் ஒவ்வொரு வரியிலும் கொழுந்துவிட்டு எரிகிறது உயிர்த்தன்மையின் ஜீவன்.

முகங்கள் கவனம்

நான் நானாயிருக்க
பிரயத்தனப்பட வேண்டியிருக்கிறது
நீங்கள் என் முகத்தைப் பறித்துக்கொண்டு
முகங்களைத் தந்திருக்கிறீர்கள்
ஏறக்குறைய

எல்லா நேரங்களிலும் இந்த முகங்கள்
பொருத்தமாய் இருந்தாலும்
எப்போதாவது
சொந்தமுகம் அவசியமென உணர்கையில்
சிறகிழந்தாற்போல் தவிக்கிறேன்
கண்களை இடுக்கித் தேடியலைகிறேன் – கவிதை வரிகளில் வாசகன் தன் அனுபத்தைக் கண்டுணர்வதே கவிஞனின் வெற்றி. அவ்வெற்றி அனுபவத்தை அடைந்திருக்கிறார் கவிஞர் நிஷா மன்சூர் அவர்கள் இக்கவிதை வரிகளில்.

ஜூவாலஜி டீச்சர் – ஒவ்வொரு மாணவரின் உணர்வுக்குள்ளும் உயிர்த்திருக்கும் பிரியமான ஆசானின் பிம்ப வடிவம்.

வர்க்கித்தூள் – தலைப்பில் எழுதப்பட்ட கவிதையில் பால் மணம் மாறா மழலையின் வாசனை. தாயற்ற நிலையும், பசியின் பிணியும், மீண்டும் இக்கவிதையில் வாசகனைத் தன் முகமோ அல்லவெனில் நெருக்கமானவர்களின் முகத்தையோ காண வைத்திருக்கிறார் கவிஞர். இன்றும் டீயும், வர்க்கித்தூளும் காலை உணவாகக் கொள்வோர் அநேகர் இருக்கத்தான் செய்கிறார்கள். சிலரது உணவோ ஒரு டீயோடும் கூட முடிந்து விடுகிறது.


நிழலில் படரும் இருள் – மனித மனதின் அந்தரங்கத்தை வெளிக்கொணரும் முயற்சி.
மேலும் வாசிக்க
.          


       
      குடியரசு முன்னாள் தலைவர் அப்துல்கலாம் நேற்று முன்தினம் மேகலாயாவில் மரணம் அடைந்தார். தனது இறப்புக்காக விடுமுறை விடக் கூடாது என்றும்தான் இறந்தால்  ஒருநாள் கூடுதலாக பணி செய்ய வேண்டுமென்றும் அப்துல் கலாம் ஏற்கனவே விருப்பம் தெரிவித்திருந்தார்.
மேலும் வாசிக்க

டாக்டர் அப்துல் கலாம்

சி. ஜெயபாரதன் B.E.(Hons) P.Eng (Nuclear) கனடா

“உன் விதியை ஏற்றுக்கொண்டு, வாழ்க்கையில் முன்னேறிச் செல்;  விமானப் படையில் நீ சேர்ந்து வேலை செய்யக் கூடாதென்று விதி யுள்ளது.  நீ என்ன செய்யப் போகிறாய் என்பது இன்னும் நிர்ணயமாக வில்லை.  ஆனால் என்ன நீ பண்ணப் போகிறாய் என்னும் விதி ஏற்கனவே நிச்சமாக்கப் பட்டுள்ளது.  நீ புரிய வேண்டிய பணிக்கு அவசியம் இருப்பதால் விதியிட்ட பாதைக்கு உன்னை அழைத்துச் செல்கிறது.  ஆகவே உனது இந்த தோல்வியை மறந்திடு.  உனது பிறப்பின் மெய்யான காரணத்தை எண்ணித் தேடிச் செல்.  உன்னோடு நீ ஒன்றாய் ஒன்றிக்கொள்!  கடவுளின் விருப்பத்திற்கு நீ சரணடைவாய்”.
மேலும் வாசிக்க

சஹானாவின் மூக்குத்தி - சிறுகதை

Posted by G J Thamilselvi On Friday, 5 June 2015 0 comments
இலியாஸ் ஒருக்களித்துப் படுத்திருந்தார். வழக்கமான அந்த குறட்டைச் சப்தம் கேட்கவில்லை. சுக்குக் காப்பி கொதிக்க வைக்கும் பாத்திரம் ஙொய் என்று நான் கொதித்து விட்டேன் என்று குரல் கொடுத்தது. இனி மேல் எழுந்கு குளித்து நமாஸ் செய்துவிட்டு காப்பி பாத்திரத்தை சைக்கிளில் ஏற்றிக் கயிறு கட்டி இறுக்கி விட்டு அவர் கிளம்ப வேண்டும். சஹானா படித்துக்கொண்டிருந்த அறிவியல் புத்தகத்தை கவிழ்த்து வைத்து விட்டு அவரைத் திரும்பி பார்த்தாள்.
சாதாரணமாக அவர் இவ்வளவு நேரம் தூங்க மாட்டார்.
“என்ன தாத்தா உடம்புக்கு சுகமில்லையா?” என்று கழுத்தில் கைவைத்துப் பார்த்தாள் சஹானா. உடல் சில்லிட்டிருந்தது.
தாத்தா என்று அசைத்துப் புரட்டினாள். கண்கள் முழுவதுமாய் மூடி உறங்கும் பாவனை காண்பித்தது. நாசியில் கை வைத்துப் பார்த்தாள். மூச்சுக்காற்று எங்கோ ஒளிந்து விளையாடியது. வயிறு மேலெழும்புகிறதாவெனப் பார்த்தாள். அது தன் இயக்கத்தை நிறுத்தியிருந்தது.
தாத்தா உயிரோடில்லை.ஒரு நிமிடத்திற்கு முன் நம்பிக்கையின் விழுதுகள் இங்கும் அங்கும் நின்ற நிலை போய் எல்லாம் வெட்டுண்டு விழுந்த ஒரு சூன்யம் தன்னைக் கவிந்ததை உணர்ந்தாள்.
மேலும் வாசிக்க

மேலும் வாசிக்க

இதயத்துடிப்பு

Posted by G J Thamilselvi On Thursday, 26 February 2015 0 comments
பிப்ரவரி 2015 மாத இதயத்துடிப்பு இதழ் வெளியாகி உள்ளது. சுவராசியமான செய்திகள் மற்றும் தொடர்கதையோடு. இதயத்துடிப்பு இதழ் வேண்டுவோர் ஆண்டு சந்தா 250ரூபாயை
Heart Beat Trust
Indian bank 
Kariyamangalam Branch
IFSC CODE - IDIB000K107
A/c 6241625367

மேலும் வாசிக்க

மிக விரைவில்

Posted by G J Thamilselvi On Friday, 20 February 2015 0 comments

மேலும் வாசிக்க