முத்தத்தேடல்

Posted by G J Thamilselvi On Sunday, 19 February 2012 2 comments
தென்றலின் தீண்டல்
என சிலிர்த்து நிமிர்ந்தேன்.
என் அருகில் நீ இருந்தால்,
நான் என்ன செய்வேன்?
உன் மூச்சு காற்றல்லவா,
தென்றலாய் எனை தீண்டியது.
உனை நோக்க இயலாமல்,
என் விழி உனை தாண்டியது.
நகரவும் முடியாமல் – உன்
மார்பில் சாயவும் இயலாமல்
தவிக்கிறது நெஞ்சம்.
அடுத்தென்ன செய்வாய்?
என்றதொரு எதிர்பார்ப்பு
நம் இதழ்கள் இணைய செய்வாய்
நெஞ்சுக்கூட்டில் பரபரப்பு.
படபடக்கும் பட்டாம்பூச்சிகளின்
சிறகடிப்பு…………………
இதழ்கள் உறவாடியிருந்தால்
முடிந்திருக்கும்
உடல்களின் ஏக்கம்
விலகி நீ நடந்ததினால்
உண்டானது உள்ளத்தின் தாக்கம்.
காதல் முத்திரையில்
காமத்தை கடந்து சென்ற,
உன் பாதச்சுவடுகளை இன்று வரை
பார்த்து நிற்கிறேன் நான்
முத்தமிட நீ வருவாய் என.

2 comments:

  1. அருமை தமிழ்ச்செல்வி அவர்களே

    ReplyDelete
  2. மிக நன்று!..படமும்..

    ReplyDelete